الحشكبوللى الصغير

الحشكبوللى الصغير
فى يوم من الايام اللى مطلعتلهاش شمس دخلت واحدة زى
القمر مطعم شيك ومحترم وكان معاها شنطة صغيرة فيها علبة
صغيرة
دخلت وقعدت وفضلت تندة على المتر..........
بس بس بس يا متر

الراجل المتر جة وهوة راجل ابن ناس محترم كدة زيكوا بس
الزمن جار علية واشتغل متر بعد ماعيلتة فلست وباع عربيتة
ومتجوزش البت شلبية بتاعة البليلة اللى كان بيحبها
المهم يعنى مش دة موضوعنا

قالها :امرك يا هانم

قالتلة:عايزة واحد اسكالوب وواحد سلطة
قالها :بس كدة حاضر

قالتلة:لا وكمان عايزة اتنين جوز حمام وتلاتة كيلو كباب
وفرختين

الراجل عينة وسعت وبرنق كدة وقال بس هنعمل شغل جامد
انهردة

وقالها:بس دة كتير يا هانم هوة انتى مستنية حد ؟

قالتلة:لا الحمام والفراخ والكباب للحشكبوللى الصغير
الراجل بص للسقف يمكن يفتكر حد يكون اسمة حشكبوللى ولا
حاجة وقالها
حشكبوللى؟

تحت امرك

الراجل مشى وعمال يفكر مين حشكبوللى دة انا مش شايف
معاها حد

مشى وجاب الطلبات وفضل قاعد مراقب انة يشوف مين
الحشكبوللى الصغير دة

الست قعدت تاكل فى الاسكالوب والسلطة وسايبة الباقى زى
ماهوة

الراجل قال بس اكيد الحشكبوللى
الصغير لسة موصلش

المهم الست خلصت اكل وطلعت العلبة الصغيرة اللى كانت فى
شنطتها وقعدت تدخل الاكل جوة العلبة

والراجل قاعد يتفرج ودماغة هتشيط
والست تدخل الاكل ويخلص وتدخل اكل تانى وبردو بيخلص
المهم الاكل خلص

خدوا بالكوا دول تلاتة كيلو كباب وفرختيتن و2 جوز حمام

ونادت تانى:بس بس بس يا متر

الراجل راحلها بعد ماعينية احولت طبعا

وقالها:تحت امرك يا هانم

قالتلة :معلش اصل الحشكبوللى لسة جعان
مشبعش هاتلة كمان تلاتة كيلو كباب و2 جوز حمام وفرختين

قالها:تحت امرك يا هانم

والراجل يا عينى مشى وهوة بيعرج وجابلها الاكل
وحصل نفس اللى حصل فى الاول والاكل خلص
ندهت للمرة التالتة للراجل

قام الراجل
قالها:اكيد الحشكبوللى لسة مشبعش انا عارفة طفس

قالتلة :وانت تعرفة منين دة محدش شافة قبل كدة روح يالا
هاتلى دستين جاتوة
وفروت سلاد و3 ام على عشان الحشكبوللى عايز يحلى

الراجل مشى يلعن فى اليوم اللى اتولد فية وشاف العجايب
دى
وقال عليا الطلاق من البت شلبية اللى متجوزتهاش مانتى
ماشية قبل ماعرف العلبة دى فيها اية
راح الراجل جاب الحاجة والست قعدت تدخل الاكل جوة العلبة
لحد ماخلص

وندهت للراجل

ماتخافوش المرة مش هتطلب اكل

قالتلة فين الحمام عايزة اغسل ايدى
الراجل قال فى نفسة

بس فرصة وجات لحد عندى هفتح العلبة واعرف مين الحشكبوللى
دة

المهم مكدبش خبر واول ماالست راحت الحمام فتح العلبة

فتح العلبة وبص فيها

تخيلوا لقى اية

مش هتصدقوا

اصلها مفاجاة

اصبروا بس

لقى حشكبوللى صغير

هههههههههههههههههههههههه

ههههههههههههههههههههههههههه
والله انتى رخمة يابنت
ومافجاة ال
والواحد مندهش وعايز يعرف مين هشكبوللى الصغير دة
ماشى ماشى ياملك
ارتحتى وعملتيها فينى وبال القسم الفرفشة بردوا
ريحتى بالك وارتحتى
هههههههههههههههه
يسلمووووووووووووووووا يااختى يسلمووووووووووووووووووا

ههههههههههههههههههههههههههههه
تعيش وتاخدى غيره حبى
تسلملى حبى على مرورك الجميل ده
نوريتنى يافروالتى

هههههههههههههههههههههه
ال اعيش واخد غيرها ال
لا كفاية علية كدة
حرمت العب وياكى
ههههههههههههههه
تسلمى حبى انا

ههههههههههههههههههههه
هتلعبى تانى
وهفكرك لما هعملها تانى فيكى
ههههههههههههههههههههه
ههههههههههههههههههه
تسلملى حبى

ههههههههههههههههههههه
دة انتى نويالى بقى
ماشى ماشى

» سعد الصغير رئيس جمهورية
» سعد الصغير:مصطفى كامل له فضل عليا
» سعد الصغير ومصطفى كامل «الصلح خير»