مش قادرة انسى
مش قادرة انسى
يوم ما كنت فى شغلك
وكلمتنى لقتنى عند الدكتور انا ومامتك
وقلقك وخوفك عليا حسيته حتى من صوتك فى الموبايل
كنت كل شوية تتصل تطمن عليا
ولما روحت بيتنا لقيتك قدامى
اخدتنى فى حضنك اوووووووى ومن كتر خوفك عليا بقيت تضمنى اوى
وبصيت فى عنيا قولتلى مالك يا حبيبتى؟
بصيتلك وضحكت ومشيت روحت اقعدت على كنبت الانتريه
وفتحت التلفزيون وقعدة اتفرج شوية
طبعا انت وقتها كنت عاوزة تضربنى لانك مخضوض عليا
ومستغرب انا بعمل كده ليه
انا متاكدة انك وقتها قولت شكلها مراتى حبيبتى اتجننت
جيت قعده جنبى
قولتلى : انتى كويسة يعنى
قولتلك : ااااااااااااااااايون يا حبيبى انا تمام اوى ^_^
طبعا وقتها انت اتاكده انى مخى لسع
بصيتلى تانى وقولتلى : انتى متاكده انك كويسة
ضحكت وقولتلك :ايوة كويسة جدااااااااااااااااااا
الصراحة صعبت عليا مقدرتش اخبئ عليك اكتر من كده
لان خوفك عليا وقلقك كان بيموتنى وخصوصا انى كويسة
رحت اخدت ايدك وحطتها على بطنى
قولتلك: سامع حاجة؟
بصيتلى وكانك بتقول لا كده اكيد اتجنن بجد^_^
قولتلى اه سامع طبعا ~
وانا عارفه انك بتريحنى وكانى اتجننت بجد^_^
رحت اترميت فى حضنك وبصيت فى عينك
قولتلك : مش انت بابايا
قولتلى : ايوة يا روح قلبى انا باباكى
قولتلك : طب انا هجبلك اخ ليا وفى نفس الوقت هيكون ابنى ^_^
ضحكت بصوت عالى وقولتلى : ماشى يا بنوتة هوريكى ده انت كنتى جننتينى خلاص
واخدتنى فى حضنك وضمتنى اوووووووووووووووى
وهمست فى ودانى وقولتلى بحبك يا ام ابنى
الخميس نوفمبر 24, 2011 3:46 pm
