ملعون ابو الحاجه ( يارب تعجبكم)

اول مرة اكتب اللون دة ومش عارفه رايكم هيكون ايه لو مش حلو ياريت تعرفونى وانا مش هكتب فيه تانى

بتفرج على الحياة من برة

بلاقى مأسى واحزان مرة

فيها ناس شريفه وحرة

وفيها ناس للقرش ذليله

فيها حقد واسوة وغيرة

وفيها بجد جراح كتيرة

ممكن ام تبيع ولادها

والظالم بالقوة واخدها

ولا واحدة بتبيع جسدها

ملعون ابو الحاجه يا ناس

اللى عشانها شريف ينداس

كل يوم ســــــــرقه اختلاس

احنا ايه حــــــــــــــــــصلنا

ضعنا ليه من نفــــــــــــــسنا

معقول وصلنا بــــــــــيأسـنا

لدرجه كل شئ مبــــــــــــاح

ولذة النــــــــــاس فى الجراح

ونسينا ليه كلمه ســــــــــماح

قلوبــــــــنا قويت على الـــقريب

بقى كله واحد قريـب غريـــــب

مبقاش فيه قلب اسمه حبـــــيب

كل قلب وفــيه همـــــــــــــــــــوم

والهم يكـــــــــــــــــبر يوم عن يوم

والناس جراحها بقـــــــــيت بالكوم

يــــــــــــــــــارب هـــــــــون الجروح

ياروح بـــــــقى ما بعــــــــــــدك روح

اهدى قلـــــــــــوبنا بتوبه نصــــــــــوح

اهدينا للخير اجمـــــــــــــــــــعـــــــــــي

جميله يا سما اوى اوى والله

واستمرى

وحاولى تعملى تنسيق فى الكلمات

علشان نكون عارفين نقف فين بالظبط

بس هى بجد جميله

تسلم ايدك

بجد بجد رووووووووووعه
وكلامك جميل والله
ولون جديد اة وانتى ممتازة فية
استمرى ياقمر
وزى مارامى بيقولك فعلا
حاولى اهتمى بالتنسيق
بس انتى كلامك محسوس بجد
ربنا يوفقك ياغالية
اختك ميار

شكرا اوى اخى رامى واختى الغالية ميار
وميرسى اوى بجد ع المتابعه
وان شاء الله انسقها وانسق كل كلامى يارامى
ويارب دايما اكون عند حسن ظنكم
وضيفة خفيفة على قلبكم
وسامحونى على تقصيرى معاكم بجد
وان شاء الله اكون معاكم قريب وباستمرار
اختكم سما
ونورتونى

كثير جميله يا سما
تسلم ايدك حبيبتي
ويسلم احساسك الجميل
منتظرين منك كل جديد

اذيك يا سما ؟؟
وحشتنى كلماتك جدا
وطبعا انتى فنانه جميله وموهوبه

تسلمى الحنونة
وتسلم اوى يااسامة ياغالى عليا طبعا
نورتونى والله
واسعدنى مروركم الجميل ع كلماتى

» قصه تموت من الضحك يارب تعجبكم ههههههههههههههه
» مصطفى كامل ملعون ابو الفن اللى بالشكل ده
» رجعالك يارب