اعمال المشتركين بمسابقة ( افضل شاعر غنائى )

السلام عليكم ورحمة الله وبراكاتة
الان سوف يتم فتح تصويت المسابقة
( افضل شاعر غنائى )
والتصويت هيكون لشخص واحد فقط
هنا بالموقع والمسابقة سوف ننزل بيه ع الفيس بوك بصفحة
مصطفى كامل الرسمية لاكتساب كم هائل من التصويت
نظرا لعدم دخول اعضائنا معنا
واليكم التوفيق جميعا
ودى قائمة المشتركين بالمسابقة
واليكم اعمالهم
ـــــــــــــــــــــــــــــــــــــــــــــــــــــــــــــــــــــ
اول مشترك
1/ الملاك البرىْ بقصيدة ( سافر حبيبى )
ســـافـــر حــبــيــبــى

سافر حبيبى لبلاد بعيدة
وسابنى فى الدنيا غريبة
وعدنى يرجعلى بعد سنتين
وقالى بحبك يانور العين
هاجى وهاخدك من بين الناس
وهنعيش ونبنى اجمل احساس

ســـافـــر حــبــيــبــى

ولما وصل بعتلى جواب
كاتبلى فيه انسى اننا احباب
فنزلت دموعى مش بطوعى .... من غير مااعرف اية الاسباب

وســـافـــر حــبــيــبــى

كلامه ياناس جرحنى
وكأنه ياناس دبحنى

نفسى اعرف ليه مصيرى
انه يقتلنى فى حنينى

ومابقتش عارفة انا بس مالى
وليه بعد عنى وسابنى فى حالى
وفجأه لقيت صاحبة جالى
وقالى انسيه وبلاش تعانى

قولتله طيب قولى بس لية .... هو انا كنت عملت اية
قالى بصراحة
هو سافر عشان يكمل مشوارة
مع واحدة وهبها قلبه .. ولما بعد عنها قادت نارة
فرجع ليها دلوقتى .. عشان هو اخد قرارة
انه يفضل معاها .. لاخر مشوارة
ــــــــــــــــــــــــــــــــــــــــــــــــــــــــــــــ
تانى مشترك
2/ رامى حسنى بقصيدة ( احلامك أية ؟ )
احلامك ايه؟؟قوليلى
من فضلك وضحيلى
باقيلك ايه معايا؟؟
ومعاكى ايه باقيلى؟؟
..

كسرتى امل حياتى..وبعتى ذكرياتى
مش فاضل اى حاجه؟؟
قوليلى..بجد عادى

ومتعمليش حسابى..عذابى؟؟ايه عذابى؟؟
انا راضى بأى حاجه
وفاتح ليكى بابى

ولا هسأل دا ليه وازاى؟؟ولا هتمنى عمرى الجاى
اعيش ايام سعيده..
انا راضى بنصيبى خلاص..مش محتاج خلاص احساس
بأى حياه جديده
ـــــــــــــــــــــــــــــــــــــــــــــــــــ
ثالث مشترك
3/ محمد البهلوان بقصيدة ( مش هرجعلك )

مش هرجِعلك مهما عملتي

مهما باكيتي واتوسلتي

مش هرجِعلك حتى لو إنتي

عشقتي
ندمتي
عرفتي الشوق

بعد ما باعتي بعد ما خونتي

راجعه لقلبي تقولي عشقتي

أيوه هويِتك بس نسيتك

قلبي خلاص مبقاش يخضعلِك

مش هرجِعلك
مش هرجِعلك

مش هرجِعلك ياللي أنا بِعتك

ياللي كتبت بإيدي نهايتِك

لو إحساسي في يوم يندهلِك

عِايزك
فاكرك
يبقي يفوق

لازم أنسى كل الماضي

أرمي بعيد القلب الجافي

لو في يوم هتكوني مجدافي

يبقي أحسنلي أغرق وأحسنلِك

مش هرجِعلك مش هرجِعلك
ــــــــــــــــــــــــــــــــــــــــــــــــــ
رابع مشترك
4/ وكيل الغرام بقصيدة ( مش منطقى )
ازاى بتكون . بالف شكل والف لون
وازاى بتقول. عشقى واصل للجنون
مش منطقى .مره جارح ومره حنون

وعجب العجاب.. بدون اسباب
الاقيك زعلان
ولما بعاتبك ..وتحكم عقلك
بتطلع غلطان

انا فى الهوى منك بعانى .. مره حبيب ومره جانى
قلبى احتار.. دا ليل ونهار ..فى المرار
وبواسى حالى

حاولت اغيرك..مش عايز اخسرك
وقلبى فيه اللى فيه
مفيش فايده فيك ...اللى فيك فيك
طبع واطبعت بيه

بقول لقلبى الصبر طيب ..قالى بقلنا سنين بنطيب
والجرح ندويه ..وان زعل نداديه..واللى يعاديه نعاديه
وفى الاخر بنتعيب

انا جيبت اخرى ..من عذابى وسهرى
وقلبى تاه فى خطواته
انا تعبت اعاتب ..وغلبت احاسب
قلبك على غلاطاته
ـــــــــــــــــــــــــــــــــــــــــــــــــــــــــــــ
خامس مشترك
5/ Kimo Oo بقصيدة ( وحشتنى )
وحشتنى
واشتقلك حضنى
ونفسى تانى تاخدنى
لدنيتك وتضمنى

وحشتنى
واشتقتلك عينى
ونفسى اجيك وتجينى
واحسك تانى بتحبنى

رايح على فين
دونيتنا مش كانت لتنين
دنا الهوى
وانت الدوى
وكنا واحد شايل اسمين

وتسبنى لمين
وازاى قلبى يفوق
ده هو والحنين والشوق
لسه بيك مجانين

وحشتنى

ف بعدك
بحبك بقيتا مشتاق ليها
قولها انا لسها مستنيها
واحشانى اوى من بعدك

واحشتنى
واشتقلك حضنى
ونفسى تانى تاخدنى
لدنيتك وتضمنى

وحشتنى
واشتقتلك عينى
ونفسى اجيك وتجينى
واحسك تانى بتحبنى

وحشتنى
ــــــــــــــــــــــــــــــــــــــــــــــــــــ
سادس مشترك
6/ اسامة حسن بقصيدة ( فكر الابالسة )

هــو ده فـكــر الأبــالسه .. تبقى والعـه وتبقى خـالصه
واللى بـنــا يـبـــقى فتنه .. والــحــيـاه تـقــلـب بكــارثه
..
والشباب راحــت و مــاتت .. والـــدموع بالـــدم سالت
مركــب الحق اللى عامت .. عـمـرهــا أبــدا مــا ترسى
هــو ده فـكــر الأبــالسه
ــــــــــــــــــــ

خـلوا أحمد عكس عيسى .. والـهــلال فـــارق الـكـنيسه
كان طبيعى ناس تموت .. وناس تقول قابضه ورخيصه
..
عروا واحده وضربوا فيها .. وبدال ما يرجع حق ليها
تلقى نـــاس جايين عليها .. ولـكـلامـهـم بـقــت فريسه
ــــــــــــــــــــ

ماتش كــوره فى بورسعيد .. فـجــأه يصبح مجزره !!
واللى مات ده مش شهيد ؟؟ عشان ده لهو ومسخره !
..
ف ايه يا شيخنا ؟ فوقلنا .. ما انتاش لا سِيد ولا ربنا
ولاّ الــمـهـم فى اخـتـلافنا .. تــرجعونا سـنـيـن ورا ؟؟
ــــــــــــــــــــ

هــو ده فـكــر الأبــالسه .. تبقى والعه وتبقى خــالصه
واللى بـنــا يـبـــقى فتنه .. والــحــيـاه تـقــلـب بكــارثه
..
تـغــور دى دنـيــا وبلاش .. لـمـــا لسه نشوف طشاش
ألف حـــاجـه بــاينه لينا .. واحـنــــا لـيــه ماحسبنهاش
ـــــــــــــــــــــ
ــــــــــــــــــــــــــــــــــــــــــــــــــــــــــــــــ
واتمنى التوفيق للجميع

بالتوفيق ليكم جميعا
كلها رائعه بجد
تسلم ايديكم ومنتظرين منكم كل جديد

تسلمى اخلاص حبيبتى

وبتمنى للجميع التوفيق من كل قلبى

بجد بالتوفيق ليكوا كلكم كلام اكثر من رائع
فى انتظار كل جديد

تسلمى يافروحتى ياقمر
نورتى الموقع كلة

دة نورك ياقلبى

تسلمى ياااااااااارب

» موعد وقوانين {مسابقة أفضل شاعر غنائى}
» من اعمال مصطفى كامل الشاعر "محمد زياد""افتكرتك"
» افضل دعاء للميت