مصطفي كامل بيتكلم عن فؤاد على فنون

- من حوالي يومين كان شغال برنامج علي قناة فنون وكانوا مستضفين الشاعر مصطفي كامل

وسأله المذيع أنت فين دلوقتي,وليه مش بنلاقي أسم مصطفي دلوقتي علي الأغاني

قال أنا لسه موجود والكل عارف كويس أوي أوي مين هو مصطفي كامل مش غرور لكن أنا فعلا سيبت بصمة وعملت أغاني لكبار النجوم زي محمد فؤاد,عمرو دياب,هاني شاكر,أيهاب توفيق,محمد منير,محمد محي,هشام عباس,مصطفي قمر,حمادة هلال,خالد عجاج,حلمي عبد الباقي,عامر منيب وناس تانية كثير وقريب شوفت أيمن بهجت قمر كان في حوار مع خالد أبو النجا وقاله أيمن أنا عامل كوكتيل من كلمات مصطفي كامل والحمد لله نجحت وقال عني أني من أحسن الشعراء اللي موجودين.

راح المذيع قالو لكن أنت دلوقتي ماعنتش بتكتب أغاني
رد عليه وقاله مين قال كدة؟أنا كاتب أغاني جديدة لحمادة هلال,أحمد كامل,أحمد العيسوي وغيرهم من المطربين وبعدين والله أنا مش مختفي والدليل علي كدة أن فؤاد,عمرو,هاني شاكر,أيهاب توفيق دايما علي أتصال بيا علشان أكتب لهم أغاني جديدة لكن أنا دايما مشغول في التحضير لألبوماتي وحفلاتي

يعني أنت مش ناوي ترجع تكتب لهم تاني
أنا كتبت لأيهاب توفيق أغنية جديدة أسمها"فرحان بدموعك"وكاتب أغنية جديدة لهاني أسمها"ألف عمر","الأسمراني",وكتبت أغنية جديدة لعمرو دياب أسمها"زمانك عدي".وفؤاد بردة نفس الحكاية أخد مني أغنية أسمها"أنا وقلبي"والمفروض أنه كان هياخد أغنية "أرجع بقي","مع السلامة"اللي أنا غنيتهم بس تراجع في أخر لحظة يعني أنا لسه موجود.وبعدين مين في الدنيا مايحبش"الحب الحقيقي"أو"الملاك البريء"أو"ياريتني"أو"الأيام الحلوة"

المذيع:مصطفى كامل أنا هقول ليك أسماء من المطربين وتوصفهم عمرو دياب ؟
مصطفى كامل: الملك الذى يدافع عن عرشه بكل قوة لحد الأن
المذيع:محمد فؤاد؟
مصطفى كامل:قلبى وروحى وعمرى.. بحبك
المذيع:محمد منير ؟
مصطفى كاما:صوت العصافير الذى تغرد فى الصباح من أجل العمل والجهد
المذيع : هانى شاكر ؟
مصطفى كامل : العندليب والصوت الذى أبكي مصطفى كامل
المذيع : حمادةهلال ؟
مصطفى كامل : الحته اللى على الشمال ههههههههههه
المذيع:هيفاء وهبى ؟
مصطفى كامل:ربنا يعنيها بتتعب اوى ههههههههه
المذيع :شرين عبد الوهاب ؟
مصطفى كامل:الصوت الحنون والجذاب
المذيع:نجلا ؟
مصطفى كامل:ربنا يكون فى عون الحصان بتتعب برضه

(قناة فنون)

الموضوع منقول بس بجد انا شوفت الحوار ده وحوار ايمن بهجت قمر لما قال انا عامل كوكتيل من اعمال مصطفى كامل على قناة دبى كمان