ابتسامتى بألف دمعه(بقلمى)

ابتسامتى بألف دمعه وضحكتى مكتومه فيا
دمعه دمعه زى شمعه نازله تحرق من عنيا
.......
عمرى كله وذكرياتى..دنيتى وسنين حياتى
كنت عايش فيها عادى..راضى بالمكتوب عليا
........
ساعه فرحه والف جارحه..دنيا مُر المُر طارحه
مش مهم تكون مسامحه..او تاخدها الرئفه بيا
...........
كنت راسم حاجه تانيه..كنت بحلم كل ثانيه
القى نفسى ف اى دنيا..مش جريئه ومش قويا
.........
كنت بحلم بالسعاده..زى غيرى ومش زياده
هى يعنى جراحى عاده؟؟طب كفايه جراح شويا
..........

Ramy Hosny

» ميهزنيش(بقلمى)
» وأيه حصل(بقلمى)
» هفضل انا(بقلمى)