اعترافات مثيره لمصطفى كامل فى جريده الموجز

السلام عليكم
اعلم ان الخبر ده قديم
بس حبيته اجيبه ليكم عشان تعرفوا ليه مصطفى كامل اتجه للشئ اللى بيحبه وهو الغناء
كان فى هذا الحديث الصحفى
الفنانين
1. مصطفى كامل
2. محمد رحيم
3. عصام كاريكا
المصدر جريده الموجز
عدد الثلاثاء 27 يناير2009





الجزء الخاص بمصطفى كامل
فى ظل انتشار عدوى غناء الملحنين والشعراء وابتعادهمعن مهنتهم الاساسيه التى ابدعوا فيها كثيرا وكانت لهم الكلمه العليا زمنا طزيلا والتى بها ساهموا فى وصول عدد من المطربين الى الشهره والنجوميه قررنا البحث عن سبب انتشار هذه الظاهره ومعرفه السبب الذى جعلهم يتجهون الى الغناء استضفنا عددا من النجوم فى ندوتنا وكان ضيوف الندوه كل من مصطفى كامل والذى كان من ابرز واقوى الشعراء فى الوطن العربى وعصام كاريكا ومحمد رحيم الذان كانوا من اقوى الملحنين فى مصر



فى البدايه هناك سؤال بيشغل بال الالاف بل الملايين لا بد ان يجيب عليه كل منك وهو ليه عنيتم؟؟
مصطفى كامل قال اتا ليه ما اغنيش وايه المانع ان الواحد يبقى يبقى اسم معروف وشكل معروف ويحضرنى مقوله لما عرض عليا الغنا سالت النجم الكبير محمد منير لما كنت بعمل معاه اغنيه ليه يا دنيا الواحد هو والمطرب خالد عجاج وقولتله انا معروض عليا اغنى وانا بحب الغنا فقال ليه متعملش كده طالما انت حابب قولت له بس انا خايف قالى هو انت هتفتح سوبر ماركت انت هتعمل حاجه بتحبها وقريب منها وفاهم فيها والصراحه انا قولت لو ما نجحتش فى الغناهعتذر للجمهور وهرجع تانى للتاليف ومانساش يوم ما عملت اغنيه اسمريكا للمطربه جواهر واخدتها لمحل كاسيت واحد صاحبنا فى المنيل عشان اعملها شغل فوجئت بواحد بيزقنى ويقول يا عم روح بقى انت مش اتصورت بقالك ساعه واقف كده

وكامل قال تكتب ازاى لناس بيحقدوا على نجاحك وبيكرهوك وانا مش ممكن اتعامل مع حد بيكرهنى وانا مش ممكن انسى لما حضر الى بيتى فى الاسكندريه مطرب كبير وساعتها كنت محق نجاح كبير فى البوماتى وطلب منى اغنيه واكلنا ساعتها عيش وملح واخد الاغنيه وبعد فتره الاغنيه مانزلتش فى البومه ولما نزل فيلم للمطرب ده دخلته عشان افرح له وابارك له ففوجئت بانه منزل الاغنيه فى الفيلم بدون ما ياخذ تنازل منى والمشكله انه كاتب اسمه على الاغنيه فى اخر الفيلم مه ان المطرب ده انا ضيعت كتير من عمرى معاه وكنت بشتغل معاه على حب وود وكنا بناكل مع بعض وعملت معاه اغانى ساهمت فى نجاحه لكن هقول ايه حسبى الله ونعم الوكيل.

لكن يا مصطفى احنا عرفنا انك تصالحت مع المطرب ده؟
لا طبعا انا مش ممكن اتصالح مع مطرب بيكرهنى ومش بيحب لى الخير
طيب ليه ما بتشتغلش مع مطربين اليومين دول مع انك شاركت فى صنع نجوم كتيره؟
احنا صنعنا نجوم معظمهم افاقين واشتغل ازاى مع مطربين 99% منهم مرضى نفسيون واشتغل ازاى وسط زيف واكاذيب احنا اشتغلنا مع مطربين كانت اعلافه بينهم وبين الجمهور مباشره ومكنش حد بيوصل للجمهور باكاذيب وال واحد بيحب واحده تترمى بحضنه فى الحفله او يقعد اخوه وخالته وعمته على النت تبعت له رسايل بيقولوا فيها بنحبك

طيب يا درش انت مشيت ورا الهوجه وطلعت فى احد كليباتك وانت بتبوس ايه الحكايه بقى؟
معاك حق انا يهمنى فى المقام الاول ان اترك ميراثا لابنائى هو احترام ابوهم انا ندمت على الكليب ده وبعده وجدت بنتى فرح تلومنى عليه من بعدها حرمت اعمل كده